Sir John Fastolf to John Paston

341

SIR JOHN FASTOLF TO JOHN PASTON¹

To my worshipful cousyn, John Paston.

   RIGHT trusty and worshipful cousyn, I recomaunde me
     to yow. And like it yow to wyte, myn attorny,
     Raulyns, hathe enformed me that the Jugis have
ruled processe to goo owte ayenst the priour of Hikelyng of
distresse per omnia bona et catalla, of whiche the writte and
other ar not yet come fro London. I trust whan thei come,
be your good counsail and meane, the Shireve wil doo his
devoir; how be it, as I understande, thei have sente the Lord
Scales all there evidences, and he wil come and dwelle there
hym silf. And I am also enformed, for certeyn, that the
Bushop of Norwiche, for all the truste I hadde to hym, that
by his meane I shulde have knowen there fundacion, he hathe
warned his officeres not to have adoo therinne, by cause of the
Lord Scales, &c. Cousyn, I pray yow, in as moche as the
matere, by agrement, was putte in you and Fyncham, and
how that ye, for the same cause, specially kepte your day at
London, and toke not in there defaulte and not myn, that ye
wil soo in caas ye see Fyncham remembre, and to othere there
as ye seme it shulde profite to be knowen, and that yet never-
theles my sute soo ferforthe I wole yet, as I wolde thanne,
and at all tymes am redy; and soo I wolde the priour knewe,
and all othere, as weel his weelwillers as otheres, as the bringer
herof shall declare you more pleinly. As for tidinges, my
folkes ar not yet come fro London. The abbot of Seint
Benettes hathe ben with me, and suche as he tolde me the
bringer shall enforme you. And our Lord Jesu have you in
governaunce.

     Writen at Castre, the last day of Julle.

                                               Your cousyn,                              J. F.

     ¹ [From Paston MSS., B.M.] This letter is doubtless of the same year as No.
336, in the end of which Fastolf wishes his attorney, Rawlyns, urged to greater
activity in the matter of Hickling.

1456
JULY 31

1456
JULY 31