Sir Geoffrey Boleyn to John Paston

428

SIR GEOFFREY BOLEYN TO JOHN PASTON, ESQ.¹

To my ryght wurschypfull Ser, John Paston, Esquyer.

       RYGHT wurschypfull Ser, after ryzth hertely recomen-
            dacion, lyke it yow to wete that my Maister Fastolf,
            hoose sowle God asoyle, whan I bowth of hym the
maner of Blyclyng, consideryng the gret payment that I payed

therfor, and the yerly annuyte duryng his lyfe after his entent,
was to me gret charge; and the same tyme, in his place at
Southwerk, by his othe made on his primer ther, grauntted and
promitted to me to have the maner of Guton, with all the
apportenaunce for a resonable pris afor ony other man. And,
Ser, as I understande ye be that person that my seid maister,
consideryng your gret wysdom, most trosted to have rewle and
dyreccion of his lyfelode and goodes,—and, Ser, trewly, yf I
hed ben nere unto yow, I wold have spoken to yow herof be
for this tyme; neverthelasse I wolde desyre and pray yow to
schewe me yowr goode wyll and favour in this by halve, wher
inne ye schall dyscharge my seid maistres sowle of his othe and
promyse, and I schall do yow servyce in that I can or maye to
my power. And of yowr goode wyll and favour herynne I
pray yow to late me have wetyng, and I schall be redy to wayte
on yow at ony tyme and place wher ye wull assyne. And owr
blysyd Lord have yow in his kepyng.—Wret the v. day of
Decembre.

                              Be youer owyn,                  GEFFREY BOLEYN.¹

     ¹ [From Paston MSS., B.M.] This letter was probably written in the year 1460.
It is evident some time had elapsed since Sir John Fastolf’s death, but as the subject
was one which the writer wished to bring early before Paston’s notice, it is not likely
that he allowed much more than a twelvemonth to pass by.

¹ The subscription and signature only are in Boleyn’s hand.

1460(?)
DEC.5

1460(?)
DEC.5