Osbert Mundeford to John Paston

  • Medieval Family Life
You may need to log in to continue. Access the full document and its details.
Title
Osbert Mundeford to John Paston
Reference
Add. 27444, f. 58
Date
?25 May 1459
Library / Archive
  • The British Library
Transcript location(s) in printed volume(s)
Gairdner, Vol III, item 378
Transcript from James Gairdner, 'The Paston Letters, A.D., 1422-1509, New Complete Library Edition, Volume III'

378

 

OSBERT MUNDEFORD TO JOHN PASTON1

 

A mon treshonnoure Seigneur, Jehan Paston, Escuier.

     TRESHONNOURE Sire, je me recommande a vous
         tant que je puis, et vous prie qu’il vous plaise me
         recommander a ma maistresse vostre noble espouse et
a tous voz enffans, et que ne soit point mis en oubly mon
petit homme d’armes. Et oultre vous plaise me recommander
a mon Maistre Yelverton et mon Maistre Caulthorpe, et a
touz mes autres maistres et amis de pardela ou sera vostre
bon plaisir. Et vous mercie des grans plaisirs et amitiez que
avez faitz et monstrez a moy et aux miens, lesquelz Dieu me
doint deservir. Treshonnoures Sire, plaise vous savoir que
mon frere Jehan a Bernay ma escript dune matere dont
me touchastes, moy estant parde la, a laquelle vostre desir
vouldroit l’onneur des deux pars, et de laquelle matere le
porteur de cestes vous informera, et des nouvelles de pardeca
s’il vient a voz bons plaisirs. Et vouldroye bien que vous
et mon dit frere Jehan a Bernay voulsissez communiquer
avecques la personne aqui la matere touche, et que je peusse
savoir son entente, affin dy otemperer, car je luy vouldroye
faire plaisir et service; car je y suis tenu, et la chose sera
en partie reglee par vous et par mondit frere, mais je veil
estre le tiers, et une autre personne sera le quart. Treschere
et treshonnoure Sire, je vous recommande tout mon fait de
pardela, et sy faiz je la petite Marie, pour laquelle je vous
mercie, et especiallement ma damoiselle vostre fame et noble
espouse, et me desplaist de la grant paine et charge que avez
pour elle; mas Dieu me doint grace que je le puisse aquicter.
Priant nostre Seigneur qui soit garde de vous, et vous doint
bonne vie et longue, et joyeulx acomplissement de touz voz
desirs.

     Escript a Calais, le xxvme jour de May.

                                     Le tout votre serviteur,

                                                                OSBERNE MUNDEFORD.

 

     1 [From Paston MSS., B.M.] The writer of this letter was put to death at Calais
on the 25th June 1460, having been taken at Sandwich when about to go thither in
aid of the Duke of Somerset against the Earl of Warwick. The date cannot be in
that year, and how much earlier it may be is quite uncertain, unless we suppose ‘mon
petit homme d’armes’ to be Paston’s eldest son, who, as we have seen, was summoned
to perform military service in 1459.

 

            

 

 

 

 

1459(?)
MAY 25

 

 

 

 

 

 

 

 

 

 

 

 

 

 

 

 

 

 

 

 

 

 

 

1459(?)
MAY 25