Michael Skyllyng to Edmund De Stonor

 35. MICHAEL SKYLLYNG TO EDMUND DE
STONOR

c. 1380

     Michael de Skyllyng was appointed King's Attorney in the Common Bench
on 20 November, 1377, and was on the commission of peace for Wilts. and
Hants. (Cal. Pat. Rolls, Richd. II, i, 47, 50, 72). From A.C., xlvi, 27.¹¹

     Trescher sire, jeo vous requeor si tendrement de coer come jeo puyse,
qil vous pleise remembryer coment jeo parlay a vous dun Nich. Pallyng,
qest neyf a mon treshonore seignur, monsyr Mich. de la Pole, come de
son Manoire de Ramerygge, vostre veisyn en Suthampton, qest de-
meurant deyns vostre seignurie de Stonor ou pres a ycele: et purceo,
trescher sire, qe le dit Nich. adz este futyf et absent hors de son nye:
sure qel jay charge les tenauntz mon dit seignur affaire venir le dit
Nich. en la seignurie mon dit seignur oue ses biens meobles et nyent
meobles et sequeles. Mes, treshonore seignur, purceoqe les ditz
tenauntz sont symples et de petit pouerwe affaire ceo qe atyent par la
loy, si vous pry entierement de coer sur la graunde affiance qe jay en
vous et en vostre bone seianurie, qe les ditz tenauntz mon dit seignur
portures de cestes puyssent estre en vostre protexcion et defens affaire
execucion de ceste ma lettre en salvacon de droit mon dit seignur, et
qe les ditz tenauntz mon dit seignur ne soient grevees par la cause del
execuscion susdite, mes par vostre bone mediacion soient de peril et de
damage en touz poyntz gardees par reson de vostre bone seignurie. Et
si rienz soit, sire, qe faire puysse je vous purra plesure ou vailer en sem-
blable cas ou en aultre, fiablement le fray solonc mon powere. A dieux,
treshonore sire, soietz, qe vous deynge grace de bienz faire

                                                                     le vostre Mich. Skyllyng.

     A mon trescher Sire Esmond Stonor.

35. MICHAEL SKYLLYNG TO EDMUND DE
STONOR

c. 1380

     Michael de Skyllyng was appointed King’s Attorney in the Common Bench
on 20 November, 1377, and was on the commission of peace for Wilts. and
Hants. (Cal. Pat. Rolls, Richd. II, i, 47, 50, 72). From A.C., xlvi, 27.

     Trescher sire, jeo vous requeor si tendrement de coer come jeo puyse,
qil vous pleise remembryer coment jeo parlay a vous dun Nich. Pallyng,
qest neyf a mon treshonore seignur, monsyr Mich. de la Pole, come de
son Manoire de Ramerygge, vostre veisyn en Suthampton, qest de-
meurant deyns vostre seignurie de Stonor ou pres a ycele: et purceo,
trescher sire, qe le dit Nich. adz este futyf et absent hors de son nye:
sure qel jay charge les tenauntz mon dit seignur affaire venir le dit
Nich. en la seignurie mon dit seignur oue ses biens meobles et nyent
meobles et sequeles. Mes, treshonore seignur, purceoqe les ditz
tenauntz sont symples et de petit pouerwe affaire ceo qe atyent par la
loy, si vous pry entierement de coer sur la graunde affiance qe jay en
vous et en vostre bone seignurie, qe les ditz tenauntz mon dit seignur
portures de cestes puyssent estre en vostre protexcion et defens affaire
execucion de ceste ma lettre en salvacon de droit mon dit seignur, et
qe les ditz tenauntz mon dit seignur ne soient grevees par la cause del
execuscion susdite, mes par vostre bone mediacion soient de peril et de
damage en touz poyntz gardees par reson de vostre bone seignurie. Et
si rienz soit, sire, qe faire puysse je vous purra plesure ou vailer en sem-
blable cas ou en aultre, fiablement le fray solonc mon powere. A dieux,
treshonore sire, soietz, qe vous deynge grace de bienz faire
                                                                              le vostre Mich. Skyllyng.

     A mon trescher Sire Esmond Stonor.