|
|
155
JUSTICE YELVERTON TO JOHN BOCKING3
To my welbeloved cosyn, John Bockyng.
WORSHIPFULL and right welbeloved cosyn, I
comaunde me to you, prayng you to recomaunde
me to my Maister Fastolf, and thank hym in my
name hertily for his man and his hors. And also for to meve
hym for that we may have a good shereve and a good under-
shereve that neythir for good favore no fere wol returne for
the Kyng, ne betwix partie and partie, none othir men but such
as ar good and trewe, and in no wyse will be forsworne; for
the pepil here is loth to compleyne til thei here tidynges of a
good shereve. And that William Jenney and Brayne, the
clerk of the Cessions, and Thomas Denys, ben hastid hydir-
ward as fast as thei may, and than men supposen he nedith not
to dowghtyn his materes. And also that my cosyn Paston be
so hastily holpen in his maters that he may sone come hedir
ageyn. And also that my maistir be my sheld and my defense
ageyns all fals noyses and sclaundres meved ayens me by her
menes in myn absens.
At Walsyngham, and in othir places in the duche of
Lancastre, men shal be redy to seche Heydon at hom in his
own hous, if he come home; and in lyke wyse standith Sir
Thomas Tudenham his neighburs to hymward as the more
part of the pepil seth in this cuntre. His men have told here
the falsest tales of Sir William Oldhall and of me that evere
I herd speke of. It wer ful necessarye and profitable to the
Kyng and to his pepil for to have othir officers in his duche.
Asay how ye can sett hem a werk in the Parlement, for if
this maters be sped as it is aforn desired, thei ar lyke to be sett
a werk here well inough, by the grace of God, which have you
in holy kepyng.
By your cosyn,
WILLIAM YELVERTON, Justice.
3 [From Paston MSS., B.M.] The correspondence of this letter with the last is
such as to leave no doubt that they were written at the same period. The MS. is a
contemporaneous copy.
|
The Paston, Cely, Plumpton, Stonor and Armburgh Papers