John De Beverle to Edmund De Stonor, sheriff of Oxford and Berkshire

11.     JOHN DE BEVERLE TO EDMUND DE
STONOR

 1 JANUARY, [1378]

     From A.C., xlvi, 11.

     Trescher amy et ffiable compaignon. Pur ce qe je maffie entierment
de voz, sieurement espoirant de vostre eide avoir et sage discrescion en
 

ce qa vous attint dameiste, et bonement faire purrez, a cause de conus-
ance auncien, vous pri affectuousement et de cuer qe vous vieullez a
moi faire certefier des choses a moi tochantz south vostre ordenance,
en voz disposicion et sourveiaunce estoiantz, combien la copie de bref
tochant le manoir de Buckenhull a moi envoier, si ascun y soit, et qanque
a voz y deviendra, ou ascun autre chose le dit manoir au moi tochant,
com suisdit pur lamor de moy. Outre queux amys ma compaigne
soventz foithz et de cuer vous salue tres volonters faire vorroiantz ce qe
turnereit a voz honur et profit selonc nostre petit poair. Le senet
espirit vous eiez en sa tressentisme gard. Escrit a Loundres le primer
jour de Januer.

                                                                                   par Johan de Beverle.

     A mon trescher amy et ffiable compaignon, Esmond Stonore, Vis-
count Doxenfort et Berk.

11. JOHN DE BEVERLE TO EDMUND DE
STONOR

      From A.C., xlvi, 11.

     Trescher amy et ffiable compaignon. Pur ce qe je maffie entierment
de voz, sieurement espoirant de vostre eide avoir et sage discrescion en
ce qa vous attint dameiste, et bonement faire purrez, a cause de conus-
ance auncien, vous pri affectuousement et de cuer qe vous vieullez a
moi faire certefier des choses a moi tochantz south vostre ordenance,
en voz disposicion et sourveiaunce estoiantz, combien la copie de bref
tochant le manoir de Buckenhull a moi envoier, si ascun y soit, et qanque
a voz y deviendra, ou ascun autre chose le dit manoir au moi tochant,
com suisdit pur lamor de moy. Outre queux amys ma compaigne
soventz foithz et de cuer vous salue tres volonters faire vorroiantz ce qe
turnereit a voz honur et profit selonc nostre petit poair. Le senet
espirit vous eiez en sa tressentisme gard. Escrit a Loundres le primer
jour de Januer.

                                                                                 par Johan de Beverle.

     A mon trescher amy et ffiable compaignon, Esmond Stonore, Vis-
count Doxenfort et Berk.