Humphrey Forster to Thomas Stonor

115. HUMPHREY FORSTER TO THOMAS
  STONOR

[? 5 APRIL, I471]

    Sir William Norys had a pardon by word of mouth from the King on 8
April, 1471 (Cal. Pat. Rolls, Edward IV, ii, 241). This may possibly fix the
date of the letter, as "his same Friday" will then be 5th April, which would
suit well enough. Humphrey Forster of Harpsdon, Berks, married Alice,
sister of Thomas Stonor. Pury is probably John Pury, squire, of Oxford and
 Berks, and Dalamar, Delamere of Aldermaston. From A.C., xlvi, 48.⁵⁰

       My goode kynde brother, I recommaunde me to yowe in my most¹
feythefull wyse: and lyketh yow to wete bat it pleased you to speke unto
me for my ladies ferme of þe ho., ?at Grey myght have it stille, yef he
cowde entrete Fryghthe, þat I have made the graunt unto &c. My
good brother, it is so þat þe seid Fryghthe hath be with me this same
Friday and enformed me howe þat my nevewes Willm. Stonor and
Emond came unto hym to his plowe and wold have entretid hym to have
departe his graunte. And he seid he wold not. And þen my nevewe
seid he shuld departe from it maugre his hede, and had unto þe pore
man manasyng wordes, as he seythe. So þat þe pore man stode in grete
fere. And my nevewe made hym ayenste his wille to take viij. s. My
goode brother, this dealyng and demeanyng is not to my pore honestie;
for, as I understond, Grey hath seid he wolle have it maugre my hede,
which shall not be by my wille. My goode brother, in your wysdome
reformeth this matter, trustyng to you þat Grey shalle not be supported
to my rebuke &c. My goode brother, this same nyght passed Syr
Willm. Norys laye at Walyngford to London ward to þe Kyng; and
Dalamar and Pury ladde hym, and he shall have his grace. My goode
brother, I sende yowe þe viij. s., þat my Nevewe made the pore man
take for fere. I prey you latt þe pore man no more be so entretid.
Jhesu preserve you and alle yours.

                                               Your trew brother Humfrey fforster.

        To my goode kynde brother Thomas Stonore.

115. HUMPHREY FORSTER TO THOMAS
STONOR

[? 5 APRIL, 1471]

     Sir William Norys had a pardon by word of mouth from the King on 8
April, 1471 (Cal. Pat. Rolls, Edward IV, ii, 241). This may possibly fix the
date of the letter, as “this same Friday” will then be 5th April, which would
suit well enough. Humphrey Forster of Harpsdon, Berks, married Alice,
sister of Thomas Stonor. Pury is probably John Pury, squire, of Oxford and
Berks, and Dalamar, Delamere of Aldermaston. From A.C., xlvi, 48.

     My goode kynde brother, I recommaunde me to yowe in my most¹
feythefull wyse: and lyketh yow to wete þat it pleased you to speke unto
me for my ladies ferme of þe ho., þat Grey myght have it stille, yef he
cowde entrete Fryghthe, þat I have made the graunt unto &c. My
good brother, it is so þat þe seid Fryghthe hath be with me this same
Friday and enformed me howe þat my nevewes Willm. Stonor and
Emond came unto hym to his plowe and wold have entretid hym to have
departe his graunte. And he seid he wold not. And þen my nevewe
seid he shuld departe from it maugre his hede, and had unto þe pore
man manasyng wordes, as he seythe. So þat þe pore man stode in grete
fere. And my nevewe made hym ayenste his wille to take viij. s. My
goode brother, this dealyng and demeanyng is not to my pore honestie;
for, as I understond, Grey hath seid he wolle have it maugre my hede,
which shall not be by my wille. My goode brother, in your wysdome
reformeth this matter, trustyng to you þat Grey shalle not be supported
to my rebuke &c. My goode brother, this same nyght passed Syr
Willm. Norys laye at Walyngford to London ward to þe Kyng; and
Dalamar and Pury ladde hym, and he shall have his grace. My goode
brother, I sende yowe þe viij. s., þat my Nevewe made the pore man
take for fere. I prey you latt þe pore man no more be so entretid.
Jhesu preserve you and alle yours.

                                                        Your trew brother Humfrey fforster.

     To my goode kynde brother Thomas Stonore.

¹ In the original my most is repeated.