Friar Brackley to John Paston

416

FRIAR BRACKLEY TO [JOHN PASTON]

     Jesus, Maria, &c. Reverende domine, si contingat ut sitis Londoniae hoc
termino in principio parliamenti, haec poteritis in secretis dicere domino Warwik
ac domino Cancellario, quomodo Johannes W.⁴ apud Felbrigg jacet cum manu
forti contra pacem domini Regis et patriae, qui quantum valere potest est hostis
publicus et inimicus capitalis domini Regis et suorum fidelium dominorum utili-
tatem rei publicae et communitatem Angliae diligentium, pro quo taliter esset
modo indilate et cum omni festinacione possibili providendum quod esset com-
missio directa sub poena ligeanciae et poena mortis et privatione bonorum vice-
comiti, domino M. Stapilton, domino W. Chambirleyn, W. Yelverton justiciario,
W. Calthorp, Johanni Twyre, Johanni Geney, T. Gurnay, Johanni Fyncham,
Johanni Yelverton Juniori, Edmundo Bokyngham, Johanni Gros, Johanni Dam,
Johanni Lomenour, Jacobo Arblaster, T. Denys, ut assistant sub poena praedicta
sex primis militibus et armigeris ad excitandum populum de patria pro domino
T. T.,⁵ J. H.,⁶ P. Wentworthe, J. A.,⁷ T. Danyel, H. Hunton, J. Wode,
W. Prentys, S. Gunnor, H. Todynham, Joh. Wyndham, Palmere Ballivo de
Costsey, T. Brygge, et suis complicibus subito et secretion modo capiendo et
versus London adducendo cum manu forti, et in Turri vel Newgate firmiter

cum Thorp de Scacario carcere collocando, &c. Et tune eorum clientes et eis
adhaerentes non possent, ymmo nec auderent, nocere populo patriae bonae dis-
posicionis. Certe si in hac parte fideliter laborare in effectu volueritis, dominus
Comes Warwic, et omnes sibi et suis benivoli essent vobis multiformiter obligati,
et tunc esset in Norffolchia mansio concors et valde pacificus. Utinam bona
voluntas vestra non sit in hac materia pigra, &c.

     2^o. Item, quod Episcopus Norwicensis esset in curia Regis ad tempus, vel
in parliamento omnino, quia hic parvum bonum facit, nisi supportando iniquos et
paci patriae contrarios; est enim satis dives ad comprestandum pecunias Regi in
necessitate sua. Ipse enim cum ducissa Suff. et aliis personis praenominatis sunt
Reginae et principi maxime favorabiles cum totis suis viribus; et ideo maxime
expediens est parti Regis et comitis Warwic subtrahere, diminuere, et pocius
opprimere, vires omnium illorum praedictorum eis et suis continue malignantium
ex adverso, &c.

     3^o. Item, vos et vestri praemunire poteritis, si placeat, Doctores Kyrry et
Godard quomodo fama communis hic volat continue per Boreales et eorum
fautores quod Regina ac sui firmiter statuerunt unanimi decreto ipsos doctores et
me non solum morti ignominiose tradere sed etiam generaliter omnes Fratres
Minores citra flumen Trent commorantes interfici facere. Sed Magister
Vergeant cum socio qui in sermonibus Reginam cum principe solempniter
recommendat et in suis missis Reginam nominatim specificat per instanciam
Ducissae Suff. erit cum socio privilegiatus ab hac punicione.

     4^o. Item, bonum esset quod juvenis dux Suff. cum suis militibus et armigeris
uteretur suis calcaribus et jam probaretur in bello cui esset fidelis, an caro vel
piscis. Si T. T. cum suis prius recitatis essent unde memorati in parliamento a
dominis et communibus, non dubium quin puniti essent causatores insurrectionis
falsorum Regis contra Comitem Warwic apud pontem Westmonasterii, &c.

     5^o. Item, memorari dignetur dominus Comes Warwic quomodo T. T.,
J. H., J. A., et H. T.,¹ J. W. et caeteri gravissime comminantur priorem Wals’
[Walsingham], &c.

     6^o. Item, caveant Comes Marchiae et Comes Warwic ne quovis modo sit
inter eos controversia, sed sint omnino unanimes et concordes, nec aliqua
cupiditas consiliariorum suorum faveat alicui eorum adversario propter lucrum
bonorum in finalem deperdicionem ipsorum et amicorum suorum.

     7^o. Item, fiat per decretum parliamenti diminutio juris peritorum ac legis
attornatorum Suff. et Norff. punicioque taxata singulorum oppressorum, generosos
ac eorum liberos, nativosque tenentes cotidie et annuatim gravissime infestancium.

     8^o. Continue ac continue cordialiter cogitate ac scrutinio diligenti saepius
revolvite quomodo inimici vestri et adversarii antiqui, spiritu rancoris et invidiae
maliciose agitati, nituntur pro posse suo, et totis viribus, vos, et vostros vobis
benevolos funditus destruere et finaliter deperdere, quod absit omnino; quare ex
naturali legis dictamine potestis et debetis vim vi volenter ac potenter reprimere
ac repellere et eorum maliciis inveteratis virili congressu rigorose resistere, quia
minus malim incomparabiliter videtur existere quod eorum obstinata malicia
potestate politica sit diminuta et quasi dejecta quam vos et vestri affines, propinuqi
et amici essetis nimis depauperati, et quasi, quod absit, finaliter abjecti.

———————————————

     ⁴ John Wyndham.

     ⁵ Sir Thomas Tuddenham.       ⁶ John Heydon.

     ⁷ John Andrews. See p. 222.

    ¹ Henry Tuddenham.

[OCT.

1460

[OCT.]