Friar Brackley to John Paston

418

FRIAR BRACKLEY TO JOHN PASTON¹

Venerando suo magistro, Johanni Paston.

             Jesus, &c.

      REVERENDE domine, &c. Propter Deum caveatis a
          confidentia in illo nigro Hibernico² oculis obliquo
          et lusco, qui utinam corde, ore et opere non esset
obliquior; qui heri misit literam Colino Gallico; de quibus
dicitur quod singuli caccant uno ano. Et parvus Adam hodie
portavit (?) magistro suo responsum. Idem enim luscus dicit
vos esse cupidissimum, quia multum afflixistis debitores patris
vestri, persequendo eos cum omni rigore, &c. Item dicit
quod cum pater vester fuerit judex ditissimus, quasi nihil
fecistis pro eo in distribuendo elemosinam pro anima ejus, et
cum nihil feceritis pro patre vestro, quomodo pro magistro
Fastolf aliquid facietis? Item dicit ‘Utinam fuissem in morte
magistri mei, quia in me ultra omnes homines mundi maxime
confisus est,’ &c. Item dicit quod in hora qua obiit magister
suus, obviavit sibi unus albus bubo, qui eodem tempore juxta
unam ecclesiam continuo clamavit mirabiliter et volavit saepius
iteratis vicibus sub equo suo inter tibias equi sui &c. Item
dixit cuidam fratri conventus mei, ‘Magister Brakle accipit
super se magnum regimen, &c., et certe, si pecunia legata in
ultima voluntate suis servientibus non fuerit in larga habun-
dancia distributa, erit ad magnum dedecus et verecundiam
personae meae,’ &c. Utinam caveritis ita bene de eo sicut
ego cavebo, quia cum sit filius Hibernicus, ego de eo semper
minus curabo. Ipse vellet habere bona ex parte sua, &c.

Deo teste non fecit (?)¹ vos magistri sui, &c. Haec omnia
et plura dixit idem miser magistro Clementi, a quo haec omnia
et plura didici &c. Item dicit quod vos timetis adire locum
parliamenti quia non vultis praestare pecunias Regi nec
Reginae et aliis; et ideo pigritia vestra in hoc passu erit bonis
mortui satis nociva, &c. Ego tot et tanta audivi de illo quod,
per Deum, nunquam confidam in illo, &c.; est enim miser
multum malencolicus et in toto colericus, et, salva patientia
vestra, reddat compotum de singulis antequam capiat onus
testamenti, &c.

     Judex² cras venturus est, &c., et sicut se hic gerit vestra
caritas notitiam habebit, &c. Rogo detis mihi licentiam re-
cedendi ad conventum Norwici, ad mutandum vestimenta mea
propter sudores, &c., et ad studendum pro sermone, &c., ad
honorem Dei, &c., qui vos vestros et vestra salvet in saecula.
Amen.                           Vester orator,

                                                                                       FRATER J. B.

     On the back:—Item dixit magistro Clementi quod ipse non
vult esse Frere, veni mecum, nec canta secum, nec Dacok, nec
facok, nec Frater, lava pedes, &c. Item dicit vos instruxisse
magistrum suum contra eum de auferendo evidencias, &c., et
ipse plures labores habuit pro eo quam vos vel aliquis alius,
&c. Custodite literam ultimo a me vobis missam, &c.
Utinam Upton et ipse essent extra locum, &c., quia hic fiunt
consumptiones maximae, &c.

     Endorsed in a 16th century hand:—A lettre much dispraising W. Wircester, from
Doctor Brakley.

     ¹ [From Paston MSS., B.M.] This letter appears by the contents to have been
written about the beginning of the Parliament of 1460, to which it would seem
Paston did not immediately repair to take his place, thus giving occasion to an in-
sinuation that he did not wish to be called upon to vote money for the King and
Queen.

     ² See p. 213.

    ¹ The word is ‘ft’ in the MS. And to make sense of the passage, I must suppose
another word to be omitted. ‘Non fecit vos amicum magistri sui,’ i.e. he did not
make you out to be any friend of his master.

     ² William Yelverton.

1460

1460