Dame Elizabeth Stonor to Sir William Stonor

204. DAME ELIZABETH STONOR TO
SIR WILLIAM STONOR

6 MARCH,1477[-78]

"My lord Lovell" is Francis Lovell. The last clause²⁰ is autograph. The
letter was printed in Excerpta Historica, pp. 354-5. From A.C., xlvi, 211.

Jhesu. M. iiij^c lxxvij.

desyryng to here off your goode wellfare, the wyche I pray God longe
to contune unto your hartys desyr. Syr, I resayved a tokyn ffrom you
by Tawbose, my lorde Lovellys sarvant. And Syr, I have sent my lorde
Lovell a tokyn and my ladys, as ye comaunde me to do, schuche as
schalle plese them. Syr, ye schalle understonde that þe beschope off
Bathe¹ ys browthe in to the Towre syne you departyd. Allso Syr, ye
schalle understonde that þe wolle hooys departe, as to morw is, ffor as
I understonde: I pray Jhesu by thayr goode spede: and Goodard²
departys allso: and I pray you that ye wylle sende me som off your
sarvantys and myne to wayte upone me, ffor now I ame ryght bare off
sarvantys, and þat ye know well. Syr, I sent you halffe a honder welkys
by Gardenar, and I wollde have sent you som hoder desys, but truly I
cowde not get none: but and I cane get hony to morow, syr Wylliam
salle bryng hyt with hym. Syr, I pray you that I may be recomaundehyde
unto my masterys your moder, and unto all goode ffrendys. No more
unto you at thys tym, but þe blesyde Trenyte have you in hys kepyng
now and hever. Amen. At London þe vj day off Marche.

   Cossen, I was crasyd þat the makyng off thys letter, but I thanke
God I am ryght well amendyd, blesyd by Jhesu.

                                                    By your owen wyff Elysabeth Stonore.

   To my ryght reverent and worschypffull Cosyn, syr Wyllm. Stonor,.
knyght.

¹ Robert Stillington.                      ² Goddard Oxbryge.

204. DAME ELIZABETH STONOR TO
SIR WILLIAM STONOR

6 MARCH, 1477[-78]

     “My lord Lovell” is Francis Lovell. The last clause is autograph. The
letter was printed in Excerpta Historica, pp. 354-5. From A.C., xlvi, 211.

Jhesu. M. iiij^c lxxvij.

     Ryght reverent and worschypffull and interely best belovyde husbonde,
I recomaunde me unto you in the most harteyste wyse hever more
desyryng to here off your goode wellfare, the wyche I pray God longe
to contune unto your hartys desyr. Syr, I resayved a tokyn ffrom you
by Tawbose, my lorde Lovellys sarvant. And Syr, I have sent my lorde
Lovell a tokyn and my ladys, as ye comaunde me to do, schuche as
schalle plese them. Syr, ye schalle understonde that þe beschope off
Bathe¹ ys browthe in to the Towre syne you departyd. Allso Syr, ye
schalle understonde that þe wolle hooys departe, as to morw is, ffor as
I understonde: I pray Jhesu by thayr goode spede: and Goodard²
departys allso: and I pray you that ye wylle sende me som off your
sarvantys and myne to wayte upone me, ffor now I ame ryght bare off
sarvantys, and þat ye know well. Syr, I sent you halffe a honder welkys
by Gardenar, and I wollde have sent you som hoder desys, but truly I
cowde not get none: but and I cane get hony to morow, syr Wylliam
salle bryng hyt with hym. Syr, I pray you that I may be recomaundehyde
unto my masterys your moder, and unto all goode ffrendys. No more
unto you at thys tym, but þe blesyde Trenyte have you in hys kepyng
now and hever. Amen. At London þe vj day off Marche.

     Cossen, I was crasyd þat the makyng off thys letter, but I thanke
God I am ryght well amendyd, blesyd by Jhesu.

                                                     By your owen wyff Elysabeth Stonore.

     To my ryght reverent and worschypffull Cosyn, syr Wyllm. Stonor,
knyght.

¹ Robert Stillington.                      ² Goddard Oxbryge.