Botoner to John Paston

315

BOTONER TO JOHN PASTON¹

     Please yow to wete that my maister² yn allwyse wille that I ryde to
Dedham to speke with Broke as well as wyth the stuard, and to gefe aunsuer
to Broke yn whate wyse he wille depart for the reuersyn; he was ryd or I
came home. And my maister wille comyn with yow for the moyens of a
chauntuarye to be founded of the place ye wote off; y seyd hym such charge-
able maters wold be doo betyme to know the certeyntee. And a greter lak ys
yn hym, he taryeth so long to put all thynges of charge yn a sure wey; hyt ys
for lake of sad councell to moove hym. And I most be at Castre by Thursday
next; and I pray yow let me not be lete of my voyage yn to my contree, and I
shall kepe Yorkesshyre with Spyrlyng, or such as shall ryde. The parson¹ with
yow shall do well sort my maister evidences, and that ys one the grettist thyng
nedefull for the seurtee of hys lyfelode; and so it wold be remembred hym, for
now all thyng ys sett at appoynt, how it standyth with hys debtys and officers,
except that mater of grettist charge, and also to provyde for the approwement of
hys lyfelode.                                                                                       W. BOTONER.

     And, syr, yff ye thynke to done (think it to be done), to meofe Cler of the
acre lond, but gefe hym no credence yn the contrarye, for I shall preffe it
trewe yn my seyng for onye man lyvyng. He that wille dysseyve hys servaunt
yn maryage for so litell a thyng, he wold disseyve another frende yn a gretter
thyng. He sekyth occasyons and querell to colour hys brekyng off.

——————???????????

     ¹ [From Paston MSS., B.M.] From the desire expressed by the writer in this
letter to visit his own country, we may refer it to the same period as the last.

     ² Sir John Fastolf. ?

    1 Sir Thomas Howes.                                             

1456(?)
 

1456(?)